Një incident i rëndë detar është regjistruar pranë Singaporit, ku anija e mallrave “First Margaux”, me flamur të Panamasë, është përplasur me peshkarexhën kineze “Luqing Yuanyu 108”.
Përplasja ka ndodhur më 17 shtator 2026, ndërsa pamjet dramatike të incidentit u përhapën gjerësisht në rrjet më 20 shtator.
Videoja tregon momentin kur anija e madhe godet peshkarexhën kineze në pjesën anësore. Nga forca e përplasjes, peshkarexha anohet ndjeshëm, ndërsa uji depërton mbi kuvertë, duke krijuar momente alarmi për ekuipazhin.
Pavarësisht goditjes së fortë, anija e peshkimit arriti të qëndronte mbi ujë dhe më pas raportohet se mbërriti në një zonë ankorimi. Deri tani nuk janë raportuar viktima apo persona të plagosur.
Autoritetet detare kanë nisur hetimet për të përcaktuar rrethanat dhe shkaqet e përplasjes. Për momentin, përgjegjësia për incidentin nuk është përcaktuar zyrtarisht.
