Aktori që u bë i famshëm duke luajtur 16 herë personazhin me emrin “Hector”
Aktori amerikan Noel Gugliemi ka krijuar një nga rastet më të veçanta në Hollywood: ai ka interpretuar personazhe me të njëjtin emër, Hector, në plot 16 filma dhe projekte të ndryshme.
Gjithçka nisi në vitin 2001 me rolin e Hector-it në filmin aksion The Fast and the Furious, një rol që do ta shoqëronte gjatë gjithë karrierës së tij. Më pas, ai vazhdoi të shfaqej në shumë prodhime të tjera, duke luajtur versione të ndryshme të personazhit “Hector”.
Fansat e kanë pagëzuar këtë fenomen si “Hector Cinematic Universe”, një “univers” i krijuar rastësisht, ku i njëjti aktor shfaqet vazhdimisht me të njëjtin emër, edhe pse personazhet nuk kanë lidhje me njëri-tjetrin.
Një nga rikthimet më të njohura ishte edhe në Furious 7, duke e kthyer emrin “Hector” në një nga detajet më ikonike të karrierës së tij.
