Hajdutët grabitën banesën e kardinalit shqiptar Ernest Simoni, 97 vjeç, në Piazza Duomo të Firences, duke marrë rreth 30 mijë euro, sende ari, bizhuteri, medalje dhe një vulë ari.
Autorët çanë murin dhe hapën derën e blinduar, por ajo që shqetësoi kardinalin nuk ishin paratë. Pyetja e tij e parë ishte nëse kishin prekur statujat fetare të Zonjës së Medjugorjes dhe Padre Pios.
Kur mësoi se statujat ishin të paprekura, Simoni tha: “Atëherë, s’ka ndonjë problem të madh.”
Karabinierët kanë nisur hetimet dhe po analizojnë kamerat e sigurisë në Piazza Duomo. Kardinali ndodhet aktualisht në Londër.
