Një mision arkeologjik i Universitetit të Bolonjës, në bashkëpunim me Institutin e Arkeologjisë në Tiranë, ka identifikuar struktura të panjohura më parë brenda Parkut Arkeologjik të Butrintit dhe në kodrat përreth.
Ndër zbulimet përfshihen një ndërtesë me dy absida, një cisternë rrethore, një pus, një ndërtesë e madhe pranë Forumit Romak, varre të lashta dhe një kishë me tri absida.
Studiuesit kanë përdorur dronë, sensorë modernë dhe teknologjinë LiDAR për të hartëzuar terrenin edhe nën bimësinë e dendur. Studimi synon të dokumentojë më mirë zhvillimin historik të këtij siti arkeologjik.
