Një ngjarje e pazakontë ka tronditur Guatemalën, ku një vajzë 15-vjeçare është zgjuar brenda arkivolit, ndërsa familjarët po përgatiteshin t’i jepnin lamtumirën e fundit.
Adoleshentja, e identifikuar si Yuleidy Ixcotoyac, kishte humbur ndjenjat pas dhimbjeve të forta në gjoks. Duke mos dalluar shenja frymëmarrjeje apo puls, familjarët menduan se ajo kishte ndërruar jetë dhe nisën përgatitjet për ceremoninë mortore.
Por ajo që ndodhi rreth tetë orë më vonë i la të gjithë të shtangur. Ndërsa vajza ndodhej në arkivol, familjarët vunë re lëvizje të papritura. Brenda pak çastesh, 15-vjeçarja u përmend, duke shkaktuar tronditje dhe lot gëzimi mes të pranishmëve.
Pamjet e momentit janë përhapur me shpejtësi në rrjetet sociale dhe kanë tërhequr vëmendjen e mediave ndërkombëtare.
Megjithatë, vajza nuk ishte shpallur zyrtarisht e vdekur nga mjekët dhe nuk ka prova se ajo kishte ndërruar jetë. Rasti ka ngritur pikëpyetje mbi rrethanat që çuan familjen të besonte se adoleshentja kishte vdekur.
