Një hetim tronditës në Francë ka përfshirë 248 gra, të cilat dyshohet se janë vënë në shënjestër të ish-zyrtarit të lartë francez Christian Nègre.
Sipas hetuesve, gjatë periudhës 2009–2018, Nègre dyshohet se u jepte fshehurazi grave produkte me efekt diuretik gjatë intervistave për punë dhe takimeve profesionale. Më pas, sipas akuzave, ai i shoqëronte në shëtitje të gjata, larg tualeteve publike, duke krijuar situata ku disa prej tyre përfundonin duke urinuar në publik ose në rrobat e tyre.
Çështja doli në dritë në vitin 2018, pasi një koleg dyshohet se e kapi Nègre duke fotografuar këmbët e një gruaje poshtë tavolinës. Gjatë kontrollit të kompjuterit të tij, hetuesit gjetën një tabelë të quajtur “Experiments P”, ku ishin regjistruar detaje të takimeve dhe reagimet e grave.
Nègre u vendos zyrtarisht nën hetim në tetor 2019. Sipas të dhënave të bëra publike në shkurt 2026, 180 gra janë bërë palë civile në çështje.
Megjithëse hetimi vazhdon prej vitesh, çështja ende nuk ka shkuar në gjyq, duke shkaktuar kritika për vonesat e drejtësisë franceze.
Nègre mbetet i dyshuar dhe nuk ka një vendim gjykate që e shpall fajtor.
