Ruben Amorim e ka nisur me këmbën e mbarë aventurën në krye të Milanit. Trajneri portugez ka regjistruar dy fitore në dy ndeshjet e para të kampionatit, duke rikthyer te kuqezinjtë një rekord që mungonte prej 12 vitesh.
Milani debutoi me fitoren 2-1 në transfertë ndaj Torinos, ndërsa në javën e dytë mposhti 2-0 Venezian në “San Siro”.
Falë këtij starti, Amorim bëhet trajneri i parë i Milanit që prej vitit 2014 që fiton të dyja ndeshjet e para të kampionatit. Në vetëm dy takime, skuadra e tij ka realizuar katër gola dhe ka pësuar vetëm një.
Triumfi ndaj Venezias solli gjithashtu edhe ndeshjen e parë pa pësuar gol për portugezin në krye të kuqezinjve.
Dy ndeshje, dy fitore dhe një statistikë që nuk përsëritej prej 12 vitesh. Ruben Amorim nuk mund të kishte kërkuar një nisje më të mirë në stolin e Milanit.
