Eurodeputeti çek, Tomáš Zdechovský, ka reaguar ashpër ndaj deklaratës së ministres serbe të Administratës Publike dhe Vetëqeverisjes Lokale, Snezhana Paunoviq, duke e cilësuar atë të papranueshme.
Zdechovský u shpreh i tronditur nga deklarata e ministres serbe, ndërsa theksoi se një retorikë e tillë bie ndesh me parimet dhe vlerat themelore mbi të cilat është ndërtuar Bashkimi Evropian.
Sipas eurodeputetit çek, deklarata të tilla nuk duhet të kalojnë pa pasoja dhe duhet të merren në konsideratë në kuadër të procesit të integrimit evropian të Serbisë.
