Romano Floriani Mussolini ka bërë debutimin me ekipin e parë të Lazios, duke tërhequr vëmendjen përtej fushës së futbollit për shkak të mbiemrit që mbart.
23-vjeçari u aktivizua nga stoli në përballjen ndaj Bolognës, duke rikthyer në qendër të vëmendjes mbiemrin Mussolini, të lidhur me diktatorin fashist italian Benito Mussolini, stërgjyshi i tij.
Floriani Mussolini ka kërkuar vazhdimisht që karriera e tij të vlerësohet vetëm në aspektin sportiv dhe jo për historinë familjare.
“Mbiemri im shqetëson të tjerët më shumë se mua. Sa më pak të flitet për të, aq më mirë”, është shprehur më herët futbollisti.
Debutimi me ekipin e parë të Lazios shënon një tjetër hap në karrierën e tij, ndërsa mbiemri i tij vazhdon të ngjallë interes të madh në Itali.
