Zbulohet identiteti i 28-vjeçarit që u plagos në sy gjatë protestës, dyshohet se u godit nga plumb gome i policisë

Personi që mbeti i plagosur në sy gjatë protestës së sotme, 24 tetor, është identifikuar si Erion Vishkuli, 28 vjeç, nga fshati Hajdaran i Elbasanit, sipas informacioneve paraprake.

I riu kishte udhëtuar drejt Tiranës së bashku me disa miq të tij për të marrë pjesë në protestë, por gjatë zhvillimit të saj mbeti i plagosur në sy.

Sipas informacioneve paraprake, dyshohet se 28-vjeçari është goditur nga një plumb gome i përdorur nga policia gjatë ndërhyrjes në protestë.

Ende nuk ka një konfirmim zyrtar për rrethanat e sakta të plagosjes dhe gjendjen shëndetësore të të riut.