Alarm në Siberi pas vdekjes së një laboranteje 28-vjeçare që punonte në Institutin e Kërkimeve Kundër Murtajës në Irkutsk.
Darya Shipilova u shtrua në spital me një “pneumoni me origjinë të panjohur” dhe ndërroi jetë pak ditë më vonë. Mediat ruse kanë ngritur dyshime se ajo mund të jetë infektuar me murtajë pneumonike, forma e murtajës që mund të transmetohet nga njeriu te njeriu.
Pas vdekjes së saj, afro 200 persona janë vendosur nën mbikëqyrje mjekësore, ndërsa janë marrë masa karantine.
Autoritetet ruse nuk kanë konfirmuar se shkaku i vdekjes ishte murtaja dhe deklarojnë se situata epidemiologjike është e qëndrueshme.
